बिहानदेखि पर्सामा शान्तिपूर्ण मतदान सुरु भएकोमा दिउँसो छिपहरमाई गाउँपलिकाको वाड नम्बर १ मिर्जापुर मतदानस्थलमा झडप भएको छ।

स्थानीयहरुका अनुसार त्यहाँ अवस्थालाई नियन्त्रण गर्न प्रहरीले करिब एक दर्जन राउण्ड हवाई फायर गर्नुपरेको छ। ‘केहीबेर अवस्था तनावग्रस्त भएको थियो। स्थिती नियन्त्रणमा ल्याउन प्रहरीले केही रसाउण्ड हवाई फायर गर्नु परेको थियो, कति राउण्ड गोलि चल्यो भन्ने आउन बाकी छ,’ पर्साका प्रहरी नायब उपरीक्षक ओमप्रकाश खनालले भने, ‘अहिले स्थिती नियन्त्रणमा आइसकेको छ, मतदान पुनः सुचारु भएको छ।’

घटनामा ३ जनालाई चोटपटक लागेको स्थानीयले बताएका छन्। नेकपा एमालेका गाउँपालिका प्रमुखको उम्मेदवार मनोज गुप्ता र नेपाली काँग्रेसका उम्मेदवार नविन सिंहका समर्थकहरुबीच बिवाद सुरु भएर झडपको अवस्था बनेको स्थानीय अशोक कुशवाहाले बताए।