१२ वर्षीया बालिकालाई बलात्कार गरेको आरोपमा प्रहरीले बुटवल उपमहानपा–११ रङ्गशालाका ५९  वर्षीय रुपनाथ ढकाललाई जेठ ९ गते बुटवलबाट गिरफ्तार गरेको छ । पीडितलाई आरोपितले खाजा खुवाउने प्रलोभन देखाएर जेठ ७ गते बलात्कार गरेको भन्दै पीडित पक्षले जेठ ९ गते इलाका प्रहरी कार्यालय बुटवलमा उजुरी दिनुभयो । बालिकालाई आरोपितले खाजा खुवाउने र साइकलमा घुमाउछु भन्दै तिनाउ खोलामा  लगेर बलात्कार गरेरको  र कसैलाई नभन्न धम्की दिएको पीडितले बताउनु भयो । उजुरीका आधारमा कारवाही अगाडि बढाइएको इलाका प्रहरी कार्यालय बुटवलका डिएसपी ठगबहादुर केसीले इन्सेक प्रतिनिधिसँगको फोन सम्पर्कमा  बताउनु भयो । पीडितको स्वास्थ्य परीक्षण जेठ ९ गते लुम्बिनी प्रादेशिक अस्पताल बुटवलमा गरिएको छ ।