नुवाकोटमा एक महिलामाथि बलात्कार गरेको आरोपमा प्रहरीले एक पुरूषलाई पक्राउ गरेको छ। प्रहरीले बिदुर नगरपालिका-११ बस्ने २९ वर्षीय सुकुकुमार तामाङलाई पक्राउ गरेको जिल्ला प्रहरी कार्यालयका प्रहरी नायब उपरीक्षक रूपक खड्काले जानकारी दिए।  उनलाई प्रहरीले बिहीबार पक्राउ गरी बलात्कारको मुद्दामा थप अनुसन्धान अघि बढाएको छ। प्रहरीका अनुसार उनले जेठ १७ गते दिउँसो साढे १ बजे बिदुर-४की २३ वर्षीया महिलालाई डेरामा बोलाएका थिए। डेरामा बोलाएर बलात्कार गरेको खबर पछि प्रहरीले उनलाई पक्राउ गरेको हो।