कुटपिट गरी घर निकाला गर्ने छोराविरुद्ध सिस्नेरी गाविस- ६ की ७० वर्षीया मिठुमाया राईले जिल्ला प्रहरी कार्यालय, ओखलढुंगामा उजुरी दिएकी छन् ।
छोरा मनहरि राईको कुटपिटबाट मिठूमाया गम्भीर घाइते भएकी छन् । उनको दाहिने हात, पाखुरा र पिठ्यूमा गहिरो चोट लागेको छ । उनको ओखलढुंगा स्वास्थ्य केन्द्रमा उपचार भइरहेको छ । यसअघि पनि पटकपटक घरजग्गाको विषयमा छोराले कुटपिट गरेर घर निकाला गरेको निवेदनमा उल्लेख गरिएको छ ।
छोराले आमासँग माइतीले कमाइ खान दिएको जग्गा आफूले पाउनुपर्ने माग गरेपछि नदिँदा आमालाई कुटपिट गरेर घर निकाला गरेको आमा समूह सञ्जालकी कार्यक्रम संयोजक रमा दाहालले बताइन् ।
सञ्जालकै सहयोगमा पीडितले प्रहरीमा निवेदन दिएकी हुन् । उजुरीपछि मनहरिलाई गिरफ्तार गर्न प्रहरी पठाइएको जिल्ला प्रहरी कार्यालयका असई पशुपति ढुंगानाले बताए ।
शिवप्रसाद ढुंगाना