२४ वर्षीया युवतीलाई बलात्कार गरेको आरोपमा पीडित पक्षले वेलबारी नगरपालिका–२ का २५ वर्षीय विजय तोलाङ्गीविरूद्ध साउन २१ गते प्रहरीमा उजुरी दिएको छ । आरोपितले ०७९ साउन १८ गते केरावारी गाउँपालिका–२ सिहंदेवी जेफालेमा लगेर बलात्कार गरेको पीडितको आरोप छ । पीडित पक्षको उजुरी लगत्तै आरोपित फरार भएको र खोजी कार्य भइरहेको जिल्ला प्रहरी कार्यालयका डिएसपी दीपक श्रेष्ठले बताउनु भयो । आरोपित वेलबारी नगरपालिकाका कार्यपालिका सदस्य हुन् । पीडितको स्वास्थ्य परीक्षण कोशी अस्पतालमा साउन २१ गते गरिएको छ ।