६० वर्षीया महिलालाई यौन दुर्व्यवहार गरेको आरोपमा प्रहरीले तानसेन नगरपालिका– ६ का २५ वर्षीय शंकर बिकलाई साउन २२ गते घरबाट गिरफ्तार गरेको छ । पीडितलाई आरोपितले साउन २१ गते यौन दुर्व्यवहार गरेको भन्दै पीडित पक्षले साउन २२ गते जिल्ला प्रहरी कार्यालयमा उजुरी दिएका थिए । उजुरीका आधारमा आरोपितलाई गिरफ्तार गरी अनुसन्धान भइ रहेको जिल्ला प्रहरी कार्यालयकाडिएसपी वीरेन्द्र थापाले बताउनु भयो । आफू घरमा बसीरहेको अवस्थामा आरोपितले घरमा आएर यौन दुर्व्यवहार गरेको पीडितले बताउनु भयो । पीडितको स्वास्थ्य परीक्षण साउन २२ गते पाल्पा अस्पतालमा गरिएको छ ।