नुवाकोट — बेलकोटगढी नगरपालिका ९ मा मादक पदार्थ सेवन गरी प्रहरीमाथि दुर्व्यवहार गरेको आरोपमा तीन युवा पक्राउ परेका छन् । पक्राउ पर्नेमा स्थानीय २१ वर्षीय रामबहादुर तामाङ, २१ वर्षीय मानबहादुर तामाङ र २० वर्षीय सुवास तामाङ छन् । मादक पदार्थ सेवन गरी होहल्ला गरी हिँडिरहेका उनीहरुलाई सम्झाउन खोज्दा प्रहरीलाई नै गालीगलौज तथा हातपातसमेत गरेकाले पक्राउ गरिएको जिल्ला प्रहरी कार्यालय नुवाकोटका सूचना अधिकारी एवं डिएसपी रुपक खड्काले जानकारी दिए । उनका अनुसार युवाहरुमाथि अनुसन्धान भइरहेको छ ।