११ वर्षीया बालिकालाई बलात्कार गरेको आरोपमा प्रहरीले टिकापुर नगरपालिका–७ बेलुवाका १८ वर्षीय हरीप्रसाद चौधरीलाई भदौ ६ गते गिरफ्तार गरेको छ । बालिकालाई भदौ ५ गते बलात्कार गरेको भन्दै पीडित परिवारले आरोपित विरुद्ध इलाका प्रहरी कार्यालय, टिकापुरमा उजुरी दिएका थिए । पीडित पक्षले दिएको उजुरीका आधारमा आरोपितलाई गिरफ्तार गरी भदौ ७ गते जिल्ला अदालतबाट तीन दिनको म्याद थप गरेर अनुसन्धान भइरहेको इलाका प्रहरी कार्यालय, टिकापुरका सई पदम खडकाले बताउनु भयो । पीडित बालिकाको स्वास्थ्य परीक्षण भदौ ६ गते टिकापुर अस्पतालमा गरिएको छ ।