2022-09-21
जनकपुरधाम उपमहानगरपालिका–४ माछाबजार बस्दै आएका १८ वर्षीय सुमितकुमार यादव र ३८ वर्षीया आमा निर्मलादेवी यादवलाई प्रहरीले कुटपिट गरेको पीडितहरूले आरोप लगाएका छन् । जिल्ला प्रहरी कार्यालय धनुषाका असई गयाप्रसाद चौधरी र प्रहरी हवल्दार धर्मेन्द्रप्रसाद साहले गस्तीमा रहेको बेला उहाँहरूलाई असोज ५ गते राति ९ बजे कुटपिट गरेको आरोप छ । असोज ५ गते राति नियमित चेकजाँच भइरहेको समयमा मोटरसाइकलको कागजपत्र र लाइसेन्स घरमै बिर्सेर मोटरसाइकल चलाउँदै गरेका सुमितकुमार यादवले प्रहरीलाई छलेर घरतर्फ गएको प्रहरीको भनाइ छ ।
प्रहरीद्वयलाई शङ्का लागेर सुमितलाई पछ्याउँदै घरसम्म आएर घरभित्रबाट निकालेर पाइपले कुटपिट गरेको पीडितका दाइ लवकुमार यादवले बताउनु भयो । प्रहरीले मदिरा सेवन गरी सुमितकुमार यादवलाई कुटपिट गरेको पीडित पक्षको आरोप छ । प्रहरीले कुटपिट गरिरहँदा छुट्याउन पुग्नु भएकी निर्मलादेवी यादवलाई प्रहरीले हेल्मेटले टाउकोमा प्रहार गरेको घटनाका प्रत्यक्षदर्शी रवि चौधरीले बताउनु भयो । घटनाको भिडियो रेकर्ड गरेको आरोपमा रवि चौधरीलाई समेत प्रहरीद्वयले कुटपिट गरेको पीडितको आरोप छ । घाइतेहरूको उपचार जनकपुरधामस्थित जानकी हेल्थ केयरमा भइरहेको छ । घाइते सुमितलाई गम्भीर चोट लागेको उपचारमा संलग्न जानकी हेल्थ केयरका चिकित्सक डाक्टर शशिशेखर अधिकारीले बताउनु भयो ।
जिल्ला प्रहरी कार्यालय धनुषाका डिएसपी प्रदीपबहादुर क्षेत्रीले प्रहरी उपर हातपात गरेको आरोपमा २५ वर्षीय रवि चौधरी र २६ वर्षीय दिपेश झालाई गिरफ्तार गरिएको बताउनु भयो । डिएसपी क्षेत्रीले प्रहरी गयाप्रसाद यादव शुद्ध शाकाहारी भोजन खाने र मासु, मदिरा नखाने भएकोले सुमित यादवको परिवारले मदिरा सेवन गरेको भनि लगाएको आरोप निराधार रहेको बताउनु भयो । उहाँले घटनाबारे अनुसन्धान भइरहेको बताउनु भयो ।
Violent / Non-violent | Violent |
Onesided / Twosided | Onesided |
Collective / Interpersonal | Interpersonal |
Primary Form | Assault (small group) |
Weapons | None |
Primary Cause | Other non-economic personal issues (revenge, passion etc.) |
Actor 1 - Number of people | 2 |
Actor 1 - Affiliations | Police |
Actor 1 - Youth | unknown |
Actor 2 - Number of people | 3 |
Actor 2 - Affiliation (Target) | Citizen/Individuals |
Actor 2 - Youth | youth |
Total Injured | 3 |
Female Injured | 1 |
Youth Injured | 2 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD
COCAP BIWEEKLY: INCIDENTS SURROUNDING COVID-19 January 16 - 31, 2021
February 04, 2021
GBV / Human Rights / Governance / Covid-19
COCAP BIWEEKLY: INCIDENTS SURROUNDING COVID-19 January 1 - 15, 2021
January 21, 2021
GBV / Human Rights / Governance / Covid-19