१५ वर्षीया बालिकालाई बलात्कार गरेको आरोपमा गोरखा जिल्ला सहिद लखनथापा गाउँपालिका–६ का २२ वर्षीय सन्जोन श्रेष्ठलाई प्रहरीले ०७९ कात्तिक १५ गते गिरफ्तार गरेको छ । निलकण्ठ नगरपालिका–८ को एक होटलमा फकाएर बोलाई कात्तिक १२ गते बलात्कार गरेको भन्दै आरोपितविरुद्ध पीडित परिवारले कात्तिक १५ गते उजुरी दिएको जिल्ला प्रहरी कार्यालयका डिएसपी श्याम खत्रीले जानकारी दिनुभयो । पीडितको स्वस्थ्य परीक्षण कात्तिक १५ गते धादिङ अस्पतालमा गरियो ।