काठमाडौं । काभ्रेमा महिलाको हत्या आरोपमा दुईजना पक्राउ परेका छन् । धुलिखेल नगरपालिका–११ डाँडागाउँ बस्ने ५२ वर्षीया बिन्दा कमिनीको हत्या गरेको आरोपमा उनीहरू पक्राउ परेका हुन् ।

पक्राउ पर्नेहरूमा दोलखा मेलुङ–७ घर भएकी २८ वर्षीया कोपिला विक र धुलिखेल नगरपालिका–११ डाँडागाँउ बस्ने ५० वर्षीय गोपाल विक रहेका छन् ।

बिन्दाकी आफ्नै नातिनी कोपिला र गोपालले मादक पदार्थ सेवन गरी हत्या गरेको सूचनापछि प्रहरी पोस्ट काभ्रेभञ्ज्याङबाट खटिएको प्रहरीले उनीहरूलाई पक्राउ गरेको हो ।