काठमाडौँ – नेत्र विक्रम चन्द ‘विप्लव’ नेतृत्वको नेपाल कम्युनिष्ट पार्टीले रत्नपार्क र माइतीघर मण्डलामा विरोध प्रदर्शन गरेको छ।

आगामी मंसिर ४ को निर्वाचन बहिष्कार र खारेज अभियानअन्तर्गत नेकपा निकट अखिल क्रान्तिकारीले सोमबार विरोध प्रदर्शन र भण्डाफोर कार्यक्रम आयोजना गरेको हो।

सत्तारुढ दल र नेकपा एमाले पटक–पटक सरकारमा पुग्दा देशको शासन व्यवस्थामा सुधार नभएको प्रदर्शनकारीहरुको भनाइ छ।

उनीहरुले ‘समयमै मतपत्र पुग्छ तर विद्यार्थीका हातमा पाठ्यपुस्तक पुग्दैन, किन?’ भन्दै प्रश्न गरेका छन्।