2022-11-20
Karnali, Rukum West, Aathbiskot
रुकुम पश्चिम — रुकुम पश्चिममा निर्वाचनमा अवरोध पुर्याउने प्रयास गर्ने ३ जना नेत्रविक्रम चन्द नेतृत्वको पार्टीका कार्यकर्ता पक्राउ परेका छन् । जिल्लाको आठबीसकोट नगरपालिका वडा नम्बर ५, ११ र १३ नम्बरमा मतपत्र च्यात्ने, मतपेटिकामा लात्ति हानेर मतदानमा अवरोध गर्न प्रयास गर्ने तीन जना पक्राउ परेको प्रमुख जिल्ला अधिकारी परमानन्द घिमिरेले जानकारी दिए ।
पक्राउ पर्नेमा युवा संगठनका जिल्ला संयोजक महेश बस्नेत, अखिल क्रान्तिकारीका केन्द्रीय सचिवालय सदस्य हरि पुन र संगठनका जिल्ला सम्मेलन आयोजक समिति सदस्य राकेश विक रहेका छन् । बस्नेत वडा नम्बर ५ को गोतामकोट, पुन वडा नम्बर १३ को निमावि घेत्मा र विक वडा नम्बर ११ को नेपाल राष्ट्रिय मावि मतदानस्थलबाट पक्राउ परेको बताइएको छ ।
मतदानमा अवरोध गर्न खोज्नेलाई पक्राउ गरिएको र मतदान भने नरोकिएको प्रमुख जिल्ला अधिकारी घिमिरेको भनाइ छ । अहिले थप सुरक्षा व्यवस्था कडा पारेर मतदान चलिरहेको उनले बताए । चन्द नेतृत्वको नेकपा र नेकपा बहुमतलगायत दलले घोषित रुपमै चुनाव बहिष्कार गरेर चुनाव बिथोल्न विभिन्न प्रयास गरिरहेका छन् ।
Violent / Non-violent | Violent |
Onesided / Twosided | Onesided |
Collective / Interpersonal | Collective |
Primary Form | Vandalism |
Weapons | None |
Primary Cause | Contestation regarding implementation and legitimacy of election |
Actor 1 - Number of people | N |
Actor 1 - Affiliations | CPN (Chand) and affiliated org |
Actor 1 - Youth | na |
Actor 2 - Number of people | N |
Actor 2 - Affiliation (Target) | Citizen/Individuals |
Actor 2 - Youth | na |
Election-related cause primary |