सुनापति गाउँपालिका–५ भिरकोटका ७२ वर्षीय कमलबहादुर तामाङले आफूलाई सुनापति गाउँपालिकाका अध्यक्ष ५० वर्षीय ठूलोकान्छा तामाङले कुटपिट गरेको भन्दै ०७९ पुस ३ गते प्रहरी चौकी लुभुमा उजुरी दिनुभएको छ । अध्यक्ष तामाङले रक्सी सेवन गरी ०७९ मङ्सिर २८ गते कुटपिट गरेको पीडितको आरोप छ । अध्यक्षले घरभित्र पसेर कुटपिट गर्न लागेपछि स्थानीयले छुट्टाएका थिए । घटनापछि सोही दिन काठमाडौँ जानुभएका अध्यक्ष तामाङ पुस ३ गतेसम्म गाउँ फर्कनुभएको छैन । दुवै पक्षलाई बोलाएर छलफल गर्ने प्रहरी चौकी लुभुका असई ‍ईन्द्र बहादुर बुढाथोकीले बताएको पीडित कमलबहादुरले बताउनुभयो ।