मिर्चैया नपा–३ की ५० वर्षीया मन्तुतदेवी यादवको हत्या आरोपमा देवर ४५ वर्षीय रामदेव यादव, देउरानी ४२ वर्षीय मायादेवी यादव, सम्धी ५० वर्षी नागेन्द्र यादव र २२ वर्षीय राकेश यादव बिरुद्ध मृतकका पति रामनारायण यादवले इलाका प्रहरी कार्यालय मिर्चैयामा पुस १४ गते उजुरी दिए । पुस १३ गते आरोपितको पाडोले आफ्नो बालि खाएको तथा नाक्सान गरेको कुरा आरोपितलाई भन्दा आरोपितहरुले मृतक मन्तुतदेवीलाई गालि गर्नुकासाथै कुटपिट गरेको र सो को उजुरी गर्न प्रहरी कार्यालय जादा बाटोमा पुन: आरोपितहरुले कुटपिट गर्दा घटनास्थलमै मृत्यू भएको मृतकका पति रामनारायणले बताउनु भयो । शवको पोष्टमार्टम प्रादेशिक अस्पताल सिरहामा पुस १५ गते भएको थियो ।

इलाका प्रहरी कार्यालय मिर्चैयाका डिएसपी हरिबहादुर वलिका अनुसार घटनाको जानकारी हुनासाथ आरोपितहरु नागेन्द्र र राकेशलाई पुस १४ गते गिरफ्तार गरेको र अन्य फरार आरोपितहरुको खोजीकार्य जारी रहेको बताउनु भयो ।