२५ वर्षीया महिलालाई बलात्कार प्रयास गरेको भन्दै बलेफी गाउँपालिका-५ बिन्जेलका २८ वर्षीय रामहरी तिमल्सिना बिरुद्ध ०७९ पुस १९ गते जिल्ला प्रहरी कार्यालयमा उजुरी दर्ता भएको छ । आरोपितले पुस १७ गते पीडितलाई बिन्जेल स्थित बाटोमा हिँडिरहेको अवस्थामा समातेर बलात्कार प्रयास गरेको पीडितको आरोप छ । पीडितको पुस १९ गते चौतारा अस्पतालमा स्वास्थ्य परिक्षण समेत भएको जिल्ला प्रहरी कार्यालयका इन्स्पेक्टर हरिबोल के.सी.ले बताउनुभयो । इन्स्पेक्टर के.सी. का अनुसार आरोपितको खोजी कार्य भइरहेको छ ।