2022-12-26
जनकपुरधाम । धनुषाको मुखियापट्टी मुसरनिया गाउँपालिका–३ का ४० वर्षीय धानुक दासको हत्यामा आफ्नै परिवारजनको संलग्नता देखिएको छ । प्रहरीको प्रारम्भिक अनुसन्धानमा दासकी जेठी श्रीमती, उनको ज्वाइँ र २० वर्षीय छोराको संलग्नतामा हत्या भएको देखिएको हो ।
सोमबार राति प्रहरीले किरिया बसेको छोरासहित तीन जनालाई पक्राउ गरेको छ । उनको हत्यामा प्रहरी पेसामा रहेका ज्वाइँको पनि संलग्नता रहेको स्रोतको दाबी छ । संघीय प्रहरी इकाई कार्यालय जनकपुरधाममा कार्यरत एक प्रहरी जवान मृतक दासका ज्वाइँ हुन् । उनकै योजनामा सुटर लगाएर दासलाई गोली हान्न लगाइएको अनुसन्धानमा संलग्न प्रहरीको भनाइ छ । यद्यपि सुटर अहिले फरार छन् । उनको खोजी कार्य भइरहेको प्रहरीले जनाएको छ ।
घटनाबारे धनुषाका प्रहरी उपरीक्षक विश्वराज खड्काले अनुसन्धान निष्कर्ष नजिक पुगिसकेको बताएका छन् । बुधबार वा बिहीबारसम्ममा घटनाको अनुसन्धान पूरा भइसक्ने उनले जानकारी दिए । दश दिन अघि साँझको समयमा घरमै दुई जना व्यक्ति पुगेर दासको हत्या गरेर फरार भएको थियो । दास मोटर (पम्प) मर्मत गर्ने मिस्त्री थिए । केही दिनदेखि उनी घरमै ग्यासको पसल सञ्चालन गर्दै आएका थिए ।
मोटर मर्मत गर्ने विषयमा सेवाग्राही बनेर कुराकानी गर्न गएका व्यक्तिले गोली प्रहार गरी फरार भएको स्थानीयवासीले बताएका थिए । दासका दुई श्रीमती छन् । जेठी श्रीमतीबाट दुई छोरा र कान्छी श्रीमतीबाट एक छोरी छन् । दास कान्छी श्रीमतीसँग बस्दै आएका थिए ।
Violent / Non-violent | Violent |
Onesided / Twosided | Onesided |
Collective / Interpersonal | Collective |
Primary Form | Murder/attempted Murder |
Weapons | Small arms |
Primary Cause | Disputes over inheritance, debt, land and other economic disputes |
Actor 1 - Number of people | 3 |
Actor 1 - Affiliations | Family/relative |
Actor 1 - Youth | youth |
Actor 2 - Number of people | 1 |
Actor 2 - Affiliation (Target) | Family/relative |
Actor 2 - Youth | noyouth |
Total Killed | 1 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD
The Nepal Peace Monitor Annual Review: 2019
May 24, 2020
GBV / Political / Dalit / Human Rights / Interpersonal Violence / Governance