२० वर्षिया महिलालाई बलात्कार गरेको आरोपमा गोलान्जोर गाउँपालिका-६ नाकाजोलीका २८ वर्षिय छबिन्द्र बहादुर मगरलाई ०७९ पुस २५ गते प्रहरीले गिरफ्तार गरेको छ । फरार रहेका आरोपितलाई कमलामाई नगरपालिका-४ मा रहेको गणपती होटलबाट गिरफ्तार गरेको जिल्ला प्रहरी कार्यालय सिन्धुलीका डिएसपी हरिकृष्ण केसीले जानकारी दिनुभयो । आरोपितलाई गिरफ्तार गर्न जिल्ला अदालत सिन्धुलीबाट पुस ६ गते पक्राउ पुर्जी जारी भएको थियो । आरोपितले ०७९ कात्तिक १९ गते महिलालाई बलात्कार गरेको भनी पीडित पक्षले पुस ६ गते जिल्ला प्रहरी कार्यालय सिन्धुलीमा उजुरी दिएको थियो ।