Bibek Dhungana
काठमाडौँ । ०७१ असोज १३ गते
दोलखा जिल्ला मागापौवा गाविस-६ घरभई हाल काठमाडौँ मनपा-२१ डेरा गरी बस्ने अमिषा खड्काले खानलाउन नदिएको भन्दै पति २६ वर्षीय सुमन खड्काविरुद्ध महानगरीय प्रहरी परिसर काठमाडौँ महिला तथा बालबालिका सेवा केन्द्र कालिमाटीमा असोज १२ गते उजुरी दिएकी छन् ।
पति सुमन अन्य केटीसँग सम्बन्ध राखी बाहिर हिड्ने र आफूमाथि चारित्रिक लाञ्छना लगाई मानसिक तथा शारीरीक यातना दिने गरेको पीडितको आरोप छ । उजुरीसँगै सेवा केन्द्रकी गिता थापाले आरोपितलाई गिरफ्तार गरी कारबाही प्रक्रिया अघि बढाउन महानगरीय प्रहरी प्रभाग कोटेश्वरलाई पत्राचार गरेको बताइन् ।
पीडित अमिषाको सुमनसँग ०७० सालमा सामाजिक परम्परा अनुसार विवाह भएको थियो ।
विवेक ढुङ्गाना