१७ वर्षीया बालिकालाई यौन दुर्व्यवहार गरेको आरोपमा प्रहरीले तिलोत्तमा नपा–४ का ३३ वर्षीय झविन्द्र अर्याललाई माघ २० गते घरबाट गिरफ्तार गरेको छ । पीडितलाई आरोपितले पुस २८ गते यौन दुर्व्यवहार गरेको भन्दै पीडितले माघ १९ गते इलाका प्रहरी कार्यालय बुटवलमा उजुरी दिनु भएको थियो । पुस २८ गते यौन दुरव्यवहार गरेकोले न्यायका लागि प्रहरीमा उजुरी दिएको पीडित पक्षले इन्सेक प्रतिनिधिलाई बताउनु भयो । उजुरीका आधारमा कारवाही अगाडी बढाइएको इलाका प्रहरी कार्यालय बुटवलका डिएसपी दानबहादुर थापाले बताउनुभयो । पीडितको स्वास्थ्य परीक्षण माघ १९ गते लुम्बिनी प्रादेशिक अस्पतालमा गरिएको छ ।