2023-03-02
Sudurpashchim, Kailali, Dhangadhi
धनगढी । सुदूरपश्चिममा आन्दोलित व्यापारीहरूले यहाँस्थित बैंकका शाखाहरुमा नो डिपोजिट लेखिएको पोष्टर टाँस्दै तालाबन्दी गरेका छन् ।
बैंकहरुले मनलाग्दी गरेको ब्याजदर वृद्धिको विरोधमा आन्दोलनरत व्यापारीहरूले बिहीबार नो डिपोजिट पोष्टर टाँसेका हुन् । बैंक कार्यालयहरू बन्द गराइएपछि पैसा भुक्तानी, जम्मा, ब्याज बुझाउनेलगायतका कार्यहरु प्रभावित भएका छन् ।
उद्योगी व्यवसायीहरुले व्यवसायीमाथिको आतङ्क बन्द गर, बैङ्कको ब्याजदरमा एकरूपता कायम गर, व्यवसायीमाथिको व्यापार बन्द गरलगायतका नाराहरू लगाउँदै आन्दोलनका कार्यक्रम अघि बढाएका छन् ।
कैलाली उद्योग वाणिज्य संघका उपाध्यक्ष पुष्कर ओझाले व्यवसायीहरू मर्कामा परेर आन्दोलित भएपनि राष्ट्र बैंक ब्याजदर घटाउनतर्फ कुनै चासो नलिएको दुखेसो सुनाए ।
ब्याजदर वृद्धिको विरोधमा प्रदेशका नौ वटै जिल्लामा उद्योगी व्यवसायीहरुले आन्दोलन चर्काएका हुन् । आफूहरूको माग सुनुवाइ नभए चैतदेखि आन्दोलनलाई थप सशक्त पारिने बताइएको छ ।
Violent / Non-violent | Nonviolent |
Event Duration | More than 7 days |
Primary Form | Demonstration |
Primary Cause | Other economic issues |
Actor 1 - Number of people | N |
Actor 1 - Affiliations | Chamber of Commerce and entrepreneur's associations |
Actor 1 - Youth | na |
Actor 2 - Number of people | N |
Actor 2 - Affiliation (Target) | Private company Government and civil servants at central level |
Actor 2 - Youth | na |