Man Bahadur Chaudhary
बर्दिया । ०७१ कात्तिक ६ गते
२५ वर्षीया एक महिलालाई सानोश्री गाविस-३ स्थित जङ्गलमा ०७१ कात्तिक ५ गते तीन जनाको समूहले बलात्कार गरेको छ । साँझ ७ बजे जङ्गलको बाटो घरतिर आउँदै गर्दा नचिनेका तीन जनाको समूहले बलात्कार गरेको पीडित महिलाले बताइन् ।
घटना भएपछि पीडित महिलाले इलाका प्रहरी कार्यालय सानोश्रीमा जानकारी गराएकी थिएन् । घटनाको जानकारी पाए लगत्तै घटनामा संलग्न व्यक्तिहरुको खोजी गरे पनि प्रहरीले कसैलाई गिरफ्तार गर्न सकेको छैन । घटना हुँदा अँधेरो भएकोले पीडकहरुलाई चिन्न नसकेको पीडितले बताइन् ।
पीडित महिलाले घटनामा संलग्न व्यक्तिहरूलाई चिन्न नसकेको बताएकोले आरोपितलाई तत्काल गिरफ्तार गर्न नसकिएको तर उनीहरुको खोजी र घटनाको अनुसन्धान भइरहेको जिल्ला प्रहरी कार्यालय बर्दियाका डीएसपी दीपककुमार बस्नेतले बताए ।
मानबहादुर चौधरी