१४ वर्षीया बालिकालाई यौन दुर्व्यवहार गरेको आरोपमा भारत घर भइ बेनिघाटरोराङ गाउँपालिका–७ मा बस्ने ४० वर्षीय संजिवकुमार यादवविरुद्ध इलाका प्रहरी कार्यालय गजुरीमा ०८० वैशाख २८ गते उजुरी दर्ता भएको छ । पीडित बालिकाको घरमा गएर आरोपितले वैशाख १ गते यौन दुर्व्यवहार गरेपछि पीडित परिवारले उजुरी दर्ता गराएको जिल्ला प्रहरी कार्यालयका निमित्त सूचना अधिकारी एवम् इन्सपेक्टर धर्मजंग थिङले जानकारी दिनुभयो । पीडित बालिकाको स्वास्थ्य परीक्षण वैशाख २८ गते धादिङ अस्पतालमा भयो । आरोपित घटना पश्चात फरार रहेको इन्सपेक्टर थिङले बताउनु भयो ।