Amrit Baskune
म्याग्दी । ०७१ कात्तिक ११ गते
३३ वर्षीया एक महिलालाई बलात्कार प्रयास गरेको आरोपमा बाबियाचौर-७ घर भइ बेनी बस्ने ३० वर्षीय रुद्रबहादुर किसानलाई कात्तिक २ गते प्रहरीले गिरफ्तार गरी जिल्ला अदालतबाट कात्तिक ९ गते पुनः म्याद थप गरी अनुसन्धान अगाडि बढाएको छ ।
आरोपित किसानले पीडित महिलालाई कात्तिक २ गते बलात्कार प्रयास गरेको भन्ने पीडित महिलाले सोहीदिन प्रहरीमा किटानी जाहेरी दिएकी थिइन् ।
आरोपितलाई सोही दिन गिरफ्तार गरी जबरजस्तीकरणी उद्योग मुद्दामा अनुसन्धान भइरहेको जिल्ला प्रहरी कार्यालयका डीएसपी जनार्दन जिसीले बताए । पीडक र पीडित दवैको जिल्ला अस्पतालमा कात्तिक ३ गते स्वास्थ्य परीक्षण गरिएको थियो ।
अमृत बास्कुने