१३ वर्षीया बालिकालाई बलात्कार गरेको आरोपमा प्रहरीले सम्मरीमाई गाउँपालिका–२ मझगाँवाका २२ वर्षीय सलमान खानविरुद्ध साउन २८ गते उजुरी दर्ता गरेको जनाएको छ । पीडित बालिकालाई आरोपितले साउन २ गते बलात्कार गरेको भनी पीडित बालिकाले साउन २७ गते जिल्ला प्रहरी कार्यालय रुपन्देहीमा जबरजस्ती करणीसम्बन्धी कसुरमा उजुरी दिएकी हुन् ।

पीडितले दिएको उजुरीका आधारमा कारवाही अगाडि बढाएको र आरोपित फरार रहेकाले खोजी कार्य भइरहेको जिल्ला प्रहरी कार्यालय रुपन्देहीका डिएसपी श्यामु अर्यालले बताउनु भयो । पीडित बालिकाको स्वास्थ्य परीक्षण साउन २७ गते भिम अस्पताल भैरहवामा गरिएकोे अस्पतालले जनायो ।