एक २५ वर्षीया एकल महिलालाई बलात्कारको ठहर गर्दै जिल्ला अदालतले कात्तिक १८ गते हेम्जा गाविस-६ का ३२ वर्षीय रामचन्द्र त्रिपाठीलाई १० वर्षकैद सजाय र १ लाख रुपियाँ क्षतिपूर्तिको फैसला गरेको छ । जिल्ला अदालतका न्यायाधीश पुरुषोत्तम ढकालको इजलासले त्रिपाठीलाई बलात्कार मुद्दामा दोषी ठहर गर्दै बलात्कारमा छ वर्ष हाडनाताकरणीमा चार वर्षगरी १० वर्षकैद र १ लाख रुपियाँ पीडितलाई क्षतिपूर्तिको दिलाउन फैसला गरेको श्रेस्तेदार दिनबन्धु बरालले बताए । त्रिपाठीले पुस १२ गते राति जबरजस्ती बलात्कार गरेको भन्दै पीडितले जिल्ला प्रहरी कार्यालयमा पुस १४ गते किटानी जाहेरी दिएकोमा आरोपितलाई प्रहरीले सोही दिन गिरफ्तार गरी जबरजस्तीकरणी अर्न्तर्गत मुद्दामा अनुसन्धानपछि माघ ८ गते पुपक्षका लागि थुनामा पठाएको थियो । पीडितका पश्चिमाञ्चल क्षेत्रीय अस्पताल पोखरामा स्वास्थ्य परीक्षण गरिएको थियो ।