Kiran Rai
कोट गाविस-४ की ३५ वर्षीया निर्मला नेपालले २९ वर्षीय पति भुमिनन्द नेपालविरुद्ध घरेलु हिंसा गरेको भन्दै पुस ८ गते जिल्ला प्रहरी कार्यालय उजुरी दिएकी छन् ।
पतिले कुटपिट गरी दुःख दिने, पालनपोषण रेखदेख नगर्ने र बारम्बार मार्ने धम्की दिने गरेका कारण प्रहरीमा उजुरी दिनु परेको पीडितले बताइन् । उजुरीमा पीडितले पतिलाई कानुनी कारवाही र न्याय माग राखेकी छन् ।
पतिले दुःख दिएपछि नजिकै रहेको माइतीघरमा बस्दै आएको पीडित निर्मलाले बताइन् । पीडित महिला उजुरीको आधारमा भुमीनन्दलाई झिकाइएको जिल्ला प्रहरी कार्यालय भोजपुरका डिएसपी वासुदेव खतिवडाले बताए ।
किरण राई