जिल्ला प्रहरी कार्यालय मकवानपुरको हिरासतमा रहेका काठमाडौ टिकाथलीका ३५ वर्षीय श्रीकृष्ण बुढाथोकीका पुस १९ गते बेलुका मृत्यु भएको छ । काठमाडौंका विभिन्न व्यक्तिको रकम लिएर ठगी गरेको आरोपमा गिरफ्तार भएका उनको हिरासतमा मृत्यु भएको हो । बुढाथोकी जिल्ला प्रहरी कार्यालय हेटौँडाको हिरासतको शौचालयमा चिप्लिएर लडेर घाइते भएका थिए । उपचारका निम्ति हेटौँडा अस्पताल पुर्‍याउने बितिक्कै मृत्यु भएको प्रहरी नायब उपरीक्षक तथा प्रवक्ता दीपक थापाले बताए । चिकित्सकले 'ब्रेनहेमरेज'का कारण वुढाथोकीको मृत्यु भएको बताए पनि बुढाथोकीका आफन्तले भने प्रहरीले हत्या गरेको आरोप लगाएका छन् । प्रताप विष्ट