Arjun Basnet १४ वर्षीया एक बालिकालाई बलात्कार गरेको आरोपमा प्रहरीद्वारा गिरफ्तार गरिएका भद्रपुर नपा- १० का ७० वर्षीय बाबु भेषराज पोखरेल र ४२ वर्षीय छोरा हेमराज पोखरेल जिल्ला अदालत झापाको आदेशमा पुस २२ गते पुर्पक्षको लागि कारागार चलान भएका छन् । आरोपितहरूले पीडित बालिकालाई विगत दुई वर्षअघिदेखि बलात्कार गरेको आरोपमा पीडितले ०७१ मङ्सिर २६ गते जिल्ला प्रहरी कार्यालयमा उजुरी दिएकी थिइन् । उजुरीपछि आरोपित भेषराजलाई प्रहरीले सोही दिन गिरफ्तार गरेको थियो । अर्का आरोपित हेमराजलाई मङ्सिर २८ गते गिरफ्तार गरी कारबाही अघि बढाएको थियो । अदालतले पुर्पक्षको लागि थुनामा राख्ने आदेश दिएपछि पुस २२ गते नै उनीहरुलाई झापा कारागारमा थुनामा राखिएको जिल्ला प्रहरी कार्यालय झापाका सई सुवास केसीले बताए । पीडित बालिकाको स्वास्थ्य जाँच मेची अञ्चल अस्पताल भद्रपुरमा २६ गते भएको थियो । अर्जुन बस्नेत