चन्द्रपुर नपा-१४ की २९ वर्षीया विमला सत्याललाई ०७१ पुस २२ गते दिउँसो उनकै पति ३० वर्षीय राजनप्रसाद सत्यालले कुटपिट गरी घरेलु हिंसा गरेको भन्दै पीडितले इलाका प्रहरी कार्यालय चन्द्रनिगाहपुरमा पुस २३ गते उजुरी दर्ता गराएकी छिन् । आरोपित पति सत्यालसँग आफ्नो जातीय परम्परा अनुसार १० वर्षअघि विवाह भइ दुई छोरीको जायजन्म समेत भएको अवस्थामा पतिले विभिन्न किसिमको आरोप लगाउँदै यातना दिने गरेको र विगतमा पनि यातना दिई बाँया हात समेत भाँचिदिएकोमा अहिले पुनः कुटपिट गरी बायाँ हातको औँला भाँचिदिएको पीडितले बताइन् । पीडितको उजुरी दर्ता गरी आरोपितलाई उपस्थित गराउन प्रहरी पठाइएको डीएसपी नेत्रमणि गिरीले बताए । बिपिन गौतम