रानीगाउँ गाविस- ४ का २४ वर्षीया विन्दु गजमेर विश्वकर्माको हत्या गरेको आरोपमा उनका पति २८ वर्षीय अमृत गजमेर विश्वकर्माविरुद्ध पीडितका आफन्तले जिल्ला प्रहरी कार्यालयमा पुस २४ गते उजुरी दर्ता गराएका छन् । आरोपितले पत्नीलाई पुस २२ गते राती धारिलो हतियारले घाँटी रेटी हत्या गरेको हुन सक्ने जिल्ला प्रहरी कार्यालयका इन्स्पेक्टर रविराज थपलियाले बताए । लासको पुस २४ गते जिल्ला अस्पताल पाँचथरमा पोष्टमार्टम गरिएको छ । फरार आरोपितको खोजी कार्य थालिएको र उनीविरुद्ध कर्तव्य ज्यान सम्बन्धी मुद्दा दायर गरिने थपलियाले बताए । विश्वकर्मा दम्पतीको १३ र ९ वर्षीय दुई छोरा र ११ वर्षीया एक छोरी रहेका छन् । पारिवारिक मनमुटावका कारण हत्या भएको हुन सक्ने स्थानीयले बताए ।

मङ्गल बेघा