समाचार सङ्कलनका लागि हिँडेको स्थानीय एरिना टेलिभिनको भ्यान पुस २७ गते सङ्घीय लिम्बुवान पार्टीका कार्यकर्ताले इटहरी चोकमा तोडफोड गरेका छन् । पत्रकार मनोज भुजेल, क्यामेरा पर्सन विनय हमाल र गाडी चालक गुणराज राजवंशीलाई भ्यानबाट उतारेर बजार बन्द गराउन बसेका पार्टीका कार्यक्रताले भ्यान तोडफोड गरेका हुन् । बन्दकर्ताको ढुङ्गा प्रहारबाट भ्यानको सिसा फुटेको छ । नेपाल पत्रकार महासङ्घ सुनसरी प्रेस चौतारी र प्रेस युनियनले प्रेस विज्ञप्ति जारी गरी भ्यान तोडफोडको भर्त्सना गरेका छन् ।