महोत्तरी गाविस-४ की २८ वर्षीया दुलारीदेवी यादव मृत अवस्थामा फेला परेपछि प्रहरीले पीडितकी सासू राधा देवी र पति मोहन यादवलाई गिरफ्तार गरेको छ । जिल्ला प्रहरी कार्यालय महोत्तरीले दिएको जानकारी अनुसार दुलारीदेवीको शव गाउँकै पोखरीमा पुस २९ गते फेला परेको थियो । दुलारीको हत्या गरिएको हुन सक्ने आशङ्कामा अनुसन्धानको लागि सासू र पतिलाई पुस २९ गते नै गिरफ्तार गरिएको एसपी सौरभ राणाले बताए । प्रारम्भिक अनुसन्धानको क्रममा उनिहरुको अनुसार साहुको ऋण चुक्ता गर्ने विषयमा राति पतिपत्नीबीच विवाद भएको थियो र बिहान काखे छोरा रोएपछि उनलाई घरमा खोज्दा नभेटेपछि खोजी सुरु गरेको थियो । गाउँलेले पोखरीमा शव देखेपछि परिवार र प्रहरीलाई खबर गरेका थिए । प्रहरीले लासको प्रकृति मुचुल्का उठाई पोष्टमार्टमको जिल्ला अस्पताल पठाएको जनाएको छ । अजयकुमार साह