छोरीलाई कर्तव्य गरी मारेको आरोपमा प्रहरी हिरासतमा रहेका धमौरा गाविस-७ का ४२ वर्षीय सञ्जिवकुमार मिश्र, उनकी पत्नी ३२ वर्षीया विनीता मिश्र र ४० वर्षीय मोहम्मद अहमदलाई जिल्ला अदालत महोत्तरीले माघ २ गते पुर्पक्षका लागि जेल चलान गर्ने आदेश गरेको छ । प्रहरीले मिश्रकी १६ वर्षीया छोरी सोनाली मिश्रको हत्या आशङ्कामा आरोपितलाई पुस १६ गते गिरफ्तार गरेको थियो। डीएसपी लोकेन्द्र श्रेष्ठले दिएको जानकारी अनुसार मिश्र दम्पतीले छोरीले अवैध गर्भ बोकेको भन्दै पुस ५ गते राती कर्तव्य गरी मारेर आफ्नै जिपमा लुकाएर भारत बिहारको मधुबनी जिल्ला हरलाखी थानास्थित गंगौल गाउँमा पुर्‍याएर दाहसंस्कार तथा काज किरियासमेत उतै गरेकाले घटनाल रहस्मय भएको हो । मिश्र दम्पतीले भने सोनालीको मृत्युलाई आत्महत्या भनी दाबी गर्दै आएका थिए । अजयकुमार साह