१३ वर्षीया बालिकालाई माघ ८ गते बलात्कार गरेको आरोपमा आरोपमा छहरा गाविस-९ का ६० वर्षीय बृद्ध छविलाल सोमै मगरलाई प्रहरीले गिरफ्तार गरेको छ । सोमैले बलात्कार गरेको भन्दै पीडित परिवारले माघ ८ गते प्रहरीमा उजुरी दिएका थिए । परिवारको उजुरीको आधारमा प्रहरी चौकी मुझुङले ८ गते नै सोमैलाई गिरफ्तार गरी माघ ९ गते जिल्ला प्रहरी कार्यालय पाल्पामा पठाएको छ । पीडित बालिकाको जिल्ला अस्पताल पाल्पामा स्वास्थ्य परीक्षण गरिएको छ । घटनाबारे थप अनुसन्धान भइरहेको जिल्ला प्रहरी कार्यालय पाल्पाका प्रहरी नायब उपरीक्षक शिवकुमार श्रेष्ठले बताए । यज्ञमूर्ति तिमिल्सिना