Chhatra Rimal पौठाक गाविस-४ की ६६ वर्षीया बेदकुमारी लिम्बूलाई माघ १० गते उनका माहिलो छोरा २८ वर्षीय ललितबहादुर लिम्बुले घरायसी विवादमा भरुवा बन्दुक प्रहार गरी घाइते बनाएका छन् । आरोपित लिम्बू र पीडित आमाबीच सामान्य अंशवण्डाको विषयमा भनाभन भएको थियो । भनाभनका क्रममा आरोपित लिम्बूले आमालाई घरमा लुकाएर राखेको भरुवा बन्दुक निकालेर प्रहार गर्दा ढाडमा चार ओटा गोली लागेको र उपचारका लागि जिल्ला अस्पताल तेह्रथुम ल्याउँदै गरिएको सोही ठाउँ बस्ने गौरी दाहालले बताए । घटनापछि आरोपित लिम्बू फरार भएकोले गिरफ्तार गर्न नसकिएको जानकारी डिएस्पी विदुरकुमार गौतमले गराए । छत्र रिमाल