१९ वर्षीया एक महिला बलात्कार गरेको आरोपमा डाँडा गविस-१ का २६ वर्षीय प्रेमबहादुर सुनारलाई जिल्ला प्रहरी कार्यालय, हुम्लाले माघ २६ गते गिरफ्तार गरेको छ । आरोपित सुनारले पीडित महिलालाई डरधम्की देखाई आठ महिना अगाडिदेखि पटकपटक बलात्कार गरेको पीडित महिलाका दाजुद्वारा प्रहरीमा दिइएको उजुरीमा उल्लेख गरिएको छ । पीडित महिलाको पेट बढेको देखेपछि अभिभावकले स्वास्थ्य जाँच गराउन दार्मा स्वास्थ्यचौकी लगेका थिए । स्वास्थ्यचौकीमा गर्भ जाँच गराउँदा उक्त कुरा खुलासा भएको थियो । पीडित महिलाको गर्भको बच्चा जीवित नभएको जिल्ला असपतालले जानकारी दिए पछि थप उपचारको लागि भेरी अञ्चल अस्पताल, नेपालगञ्ज सिफारिस भएको डीएसपी कृष्ण कुँवरले बताए । उनले घटनाको अनुसन्धान गरी कारबाही गर्ने जानकारी गराएका छन् । सुरेश परियार