१७ वर्षीया एक युवतीलाई माघ २८ गते बिहान बलात्कार प्रयास गरेको आरोपमा सल्यान जिल्ला शारदा नपा-१३ का ३९ वर्षीय तिलकराम राउतलाई माघ २९ गते प्रहरीले गिरफ्तार गरेको छ । आरोपितलाई गिरफ्तार गरी अनुसन्धान थालिएको जिल्ला प्रहरी कार्यालयका प्रहरी नायब उपरीक्षक प्रवीण पोखरेलले जानकारी दिए । पीडितले टिमुरे गाविसस्थित प्रहरी कार्यालयमा माघ २९ गते जाहेरी दिएकी छिन् । आरोपितलाई गिरफ्तार गरी जिल्ला प्रहरी कार्यालय पठाइएको टिमुरे गाविसस्थित प्रहरी कार्यालयले जनाएको छ । आरोपित राउतले मेसमा काम गरिरहेको बेला युवतीलाई बलात्कार प्रयास गरेको प्रहरीले जनाएको छ । पीडितले प्रहरी कार्यालयमा उजुरी दिएपछि घटना बाहिर आएको हो । हेमनाथ खतिवडा