शिखरवेसी-२ की ५६ वर्षीया अन्तरी तामाङले आफूलाई छिमेकी २४ वर्षीया राममाया तामाङ सहित तीन जनाले धारामा पानी भर्न गएको बेला बोक्सीको आरोपमा दुर्व्यवहार गरेको भन्दै फागुन १७ गते जिल्ला प्रहरी कार्यालयमा उजुरी दिएकी छिन् । पीडित तामाङले फागुन १५ गते बोक्सीको आरोपमा कुटपिट गरेको र हसियाँले कपाल काटिदिएको भनी उजुरी दिएको प्रहरी निरीक्षक वीरेन्द्र थापाले बताए । पीडितको उजुरीको आधारमा फागुन १७ गते नै पीडक राममायालाई गिरफ्तार गरी कारबाही प्रक्रिया अघि बढाइएको प्रहरीले जनाएको छ । घटनामा संलग्न अन्य दुई जना फरार रहेको भन्दै प्रहरीले उनीहरूको नाम सार्वजनिक गरेको छैन । नवदीप श्रेष्ठ