प्युठानमा श्रीमानको हत्या गरेको आरोपमा श्रीमतीलाई प्रहरीले पक्राउ गरेको छ । जिल्लाको तोरबाङ गाविस ४ मर्काबाङ निबासी ६३ बर्षका नरबहादुर पुनको हत्या गरेको आरोपमा प्रहरीले ५६ बर्षीया मनकली पुनलाई पक्राउ गरेको हो । फाल्गुण १७ गते सोही गाविसको लाटापानीमा सामान्य विवाद हुदा श्रीमती मनकलीले धकेलेर भिरबाट १० मिटर तल खसाई दिदा घाइते भएका श्रीमानलाई पुन घरमा गए पछि कुटपिट गरेको प्रहरीले बताएको छ । घरमा पुगे पछि दुबैजना विच पुनःआपसी विवाद हुदा लौरोले हानेर हत्या गरेको मनकलीले प्रहरीलाई बयान दिएको प्रहरीप्रमुख तुलबहादुर कार्कीले बताएका छन् । उनको टाउको, हात खुट्टामा गहिरो चोट लागेको प्रहरी प्रमुख कार्कीले बताए । सुरुमा घरमा मृतअबस्थामा फेला परेको भन्ने खबर आए पछि घटना स्थलमा पुगेको प्रहरीले अनुसन्धानका क्रममा हत्या गरिएको आंसकामा श्रीमतीलाई हिजो पक्राउ गरे पछि उनले हत्या गरेको स्वीकार गरेको प्रहरीले बताएको छ । पक्राउ परेकी उनलाई कर्तव्य ज्यान सम्बधि मुद्दा चलाउने प्रहरीले बताएको छ ।