विराटनगर उमनपा- ३ की ३५ वर्षीया रेणु परियार (भगत) लाई उनका पतिले घरायसी विवाद निकालेर गालीगलौज गरी कुटपिट गरेको भन्दै फागुन २५ गते जिल्ला प्रहरी कार्यालयमा उजुरी दिएकी छन् । पति ३८ वर्षीय सञ्जय भगतले मादकपदार्थ सेवन गरी घर आउँदा जथाभावी गालीगलौज गर्दै कुटपिट गरी शारीरिक तथा मानसिक यातना दिएकोले न्यायका लागि प्रहरीमा उजुरी दिनु परेको पीडितले बताइन् । आरोपितलाई प्रहरीमा झिकाउनका लागि प्रहरी चौकी, तीनपैनीलाई पत्राचार गरिसकेको केन्द्रकी अर्सइ भगवती न्यौपानेले जानकारी दिइन । सुकदेब चौधरी