श्रीमतीको हत्या गरेर फरार एक अभियुक्तलाई प्रहरीले पक्राउ गरेको छ । धनुषाको क्षिरेश्वर नगरपालिकामा १० ईच्छापुरका ४० वर्षीय रामबाबु साहलाई प्रहरीले आइतबार पक्राउ गरेको हो । शनिबार राती श्रीमती ३० वर्षीया सरिता देवी साहलाई टाउकोमा ढोकाको आग्लो प्रहार गरी हत्या गरेर रामबाबु फरार भएका थिए । फरार अभियुक्त रामबाबुलाई आइतबार धनुषाको खरिहानी नहर छेउमा लुकेर बसेको अवस्थामा ईलाका प्रहरी कार्यालय महेन्द्रनगरबाट खटेको प्रहरी टोलीले पक्राउ गरेको हो ।