ओखरकोट गाविस-५ आहलखोला भन्ने स्थानमा चैत ५ गते बेवारिसे बम विस्फोट हुँदा घाँस काट्न गएकी ६२ वर्षीया नीमादेवी पोखरेलको घटनास्थलमै मृत्यु भएको छ । घटनालगत्तै अनुसन्धानका लागि जिल्ला प्रहरी प्रमुख डिएसपी तुलबहादुर कार्कीको नेतृत्वमा गएको प्रहरी र नेपाली सेनाको संयुक्त टोलीले घटनाको अनुसन्धान गरिरहेको प्रहरीले जनाएको छ । मृतक महिला घर नजिकैरहेको बारीमा घाँस काट्न गएको बेला दिउँसो उक्त बम विस्फोट भएको थियो । उक्त बम कसले, कहिले किन राखेको थियो भन्ने विषयमा केही जानकारी नभएको डीएसपी कार्कीले बताए ।