एक बालिकालाई बलात्कार गरी फरार भएका महादेवस्थान गाविस-८ जरुङका एक युवकलाई ०७१ चैत ७ गते प्रहरीले गिरफ्तार गरेको छ । बाख्रा चराउन गएकी एक सात वर्षीया बालिकालाई चैत ४ गते बलात्कार गरी फरार भएका २४ वर्षीया बलबहादुर तामाङलाई गाउँबासीको सहयोगमा गिरफ्तार गरेको इलाका प्रहरी कार्यालय गजुरीले जनायो । पीडित बालिकाले घटना भएपछि चैत ५ गते आमालाई खबर गरेपछि घटना सार्वजनिक भएको थियो । घाइते बालिकाको प्रहरीले उद्धार गरी जिल्ला अस्पतालमा उपचारका लागि लैजाँदै गरेका प्रहरी नायव उपरीक्षक प्रकाश मल्लले जानकारी दिए । अभियुक्तलाई प्रारम्भिक अनुसन्धानपछि जबरजस्तीकरणी मुद्दा चलाइने प्रहरीले जानकारी दिएको छ । सीताराम अधिकारी