कञ्चनपुर, चैत्र ११ । कञ्चनपुरमा नौं वर्षिया बालिकालाई बलात्कार गरेको आरोपमा एक युवक पक्राउ परेका छन् । प्रहरीले भीमदत्त नगरपालिका–१२ ऐरीका १९ बर्षिय परशु बुढालाई पक्राउ गरेको हो । पांच दिन अघि घरमा कोही नभएको मौका पारेर ३ कक्षामा पढ्ने बालिकालाई बलात्कार गरेको आरोप बुढामाथि लागेको छ । ती बालिकाको परिवारले बुढा विरुद्ध जबरजस्ती करणीमा जाहेरी दिएपछि प्रहरीले उनलाई पक्राउ गरेको हो । बालिकाको स्वास्थ्य परिक्षणमा बलात्कार गरेको पुष्टी भएको छ । तर ति युवाले भने आफूले बलात्कार नगरेको बताउंदै आएका छन् । पक्राउ परेका बुढामाथि जवरजस्ती करणी अन्र्तगत मुद्धा दर्ता गरिएको छ भने अनुसन्धान जारी राखिएको जिल्ला प्रहरी कार्यालय कञ्चनपुरका प्र्रवक्ता अविनारायण काफ्ले ले जानकारी दिए ।