कञ्चनपुर, चैत्र १२ । कञ्चनपुरको बेलौरी नगरपालिका–५ बेलौरी बजारमा गएराती एक युवकले आफ्नै बाबुको हत्या गरेका छन् । बेलौरी बजारमै बस्ने १६ बर्षिय छोरा अर्जुन आचार्यले ४५ बर्षिय बाबु हरिलाल आचार्यको चक्कु प्रहार गरी हत्या गरेका हुन् । मृतक हरिलाल आचार्यले अत्याधिक मदिरा सेवन गरी आमालाई पिट्न थालेपछि आवेगमा आएर चक्कु प्रहार गरी हत्या गरेको अभियुक्तले बताएको ईलाका प्रहरी कार्यालय बेलौरीले जनाएको छ । हत्या पछि अभियुक्त आफैले प्रहरीलाई जानकारी गराएको र आचार्य अहिले प्रहरी हिरासतमा रहेको ईलाका प्रहरी कार्यालय बेलौरीका प्रहरी निरिक्षक युवराज भण्डारीले बताएका छन् ।