१५ वर्षीया एक बालिकालाई बलात्कार गरेको आरोपमा दादरवैरिया गाविस–१ का २६ वर्षीय जयप्रकाश सरदारलाई चैत १५ गते जिल्ला अदालतले पुर्पक्षका लागि थुनामा राख्न आदेश दिएको छ । जिल्ला अदालतका न्यायाधिश शेखरप्रसाद पौडेलको इजलासमा भएको बहसका क्रममा आरोपितलाई पुर्पक्ष गर्नका लागि थुनामा राख्न आदेश दिएका हुन् । गत फागुन २० गते आफ्नो कोठामा लुगा फेर्दै गर्दा आरोपित भित्र पसेर बलात्कार गरेको भन्दै चैत २१ गते इलाका प्रहरी कार्यालय रंगेलीमा उजुरी दिएका थिए । पीडितको स्वास्थ्य परीक्षण विराटनगरस्थित कोशी अञ्चल अस्पतालमा फागुन २१ गते नै गरिएको प्रहरीले जनाएको छ ।