Mangal Begha १३ वर्षीया एक बालिकालाई बलात्कार गरेको आरोपमा मौवा गाविस– ५ का ३५ वर्षीय भीम मगरलाई प्रहरीले चैत १८ गते गिरफ्तार गरेको छ । पीडितका अभिभावकले दिएको उजुरीका आधारमा उनलाई गाउँबाट गिरफ्तार गरिएको जिल्ला प्रहरी कार्यालयका इन्स्पेक्टर रविराज थपलियाले बताए । पीडितका अभिभावकले चैत १७ गते आरोपितविरुद्ध जिल्ला प्रहरी कार्यालयमा उजुरी दर्ता गराएका थिए । पीडितको सोही दिन जिल्ला अस्पताल पाँचथरमा स्वास्थ्य परीक्षण तथा उपचार गरिएको थियो । उनको स्वास्थ्य अवस्था सामान्य रहेको अस्पतालले जनाएको छ । बालिका एक्लै रहेको अवस्थामा चैत १५ गते राति आरोपितले बलात्कार गरेको पीडितले दिएको उजुरीमा उल्लेख छ । गिरफ्तार गरिएका आरोपितलाई म्याद थप गरी अनुसन्धान थालिएको इन्स्पेक्टर थपलियाले बताए । आरोपितविरुद्ध जबरजस्ती करणीसम्बन्धी मुद्दा दायर गरिने उनले जानकारी दिए। मङ्गल बेघा