Shiva Prasad Dhungana ओखलढुंगा जिल्ला अदालतले १० वर्षीया बालिका बलात्कार गरेको ठहर गर्दै प्राप्चा गाविस–५ का ३२ वर्षीया फणिन्द्रबहादुर कार्कीलाई आठ वर्ष कैद गर्ने फैसला गरेको छ । जिल्ला न्यायधीश शुभाषबाबु पुरीको इजलासले ०७१ चैत २३ गते अभियुक्तलाई आठ वर्ष कैद र पीडितलाई एक लाख क्षतिपूर्ति दिन आदेश दिएको हो । कार्की बालिका बलात्कार आरोपमा ०७१ पुस २९ गतेदेखि पुर्पक्षका लागि थुनामा थिए । सिद्धिचरण नगरपालिकामा डेरा गरी बस्ने कार्कीलाई सोही घरमा बस्ने बालिका बलात्कार आरोपमा ०७१ पुस १२ गते जबरजस्ती करणी मुद्दा दर्ता गरेको थियो । अदालतको आदेशपछि पीडित परिवारले न्याय पाएको प्रतिक्रिया दिए । शिवप्रसाद ढुंगाना