नवलपरासीको बिकट पहाडी गाबिस अर्खला–९ मा खुर्पा प्रहार गरी एक जनाले श्रीमतीको हत्या गरेका छन् । जिल्ला प्रहरी कार्यालय नवलपरासीका प्रहरी नायव उपरीक्षक सोम थापाका अनुसार अर्खला– ९ कोखेटारका २४ बर्षीय हमबहादुर बिकले २१ बर्षीया श्रीमती रीता बिकलाई धारिलो हतियार (खुर्पा)ले हानेर हत्या गरका हुन् । रीता पँधेरो गएको अबस्थामा बिकले खुर्पा प्रहार गरेको प्रहरीले जनाएको छ । घटना लगत्तै फरार भएका विकको खोजीका लागि ईलाका प्रहरी कार्यालय नवलपुरबाट प्रहरी निरीक्षक हरि बरुवालको नेतृत्वमा नौ जना प्रहरी घटनास्थलतर्फ गएको छ ।